Dejavu & Destiny resensie deur Elsa Naudé.

Na die onlangse vrystelling van Flamingcrystal se vlagskip van boeke, haar treffer bundel, Dejavu & Destiny, begin die resensies inkom namate meer mense die boek lees. Hier is die resensie van Elsa Naudé op goodreads.com.
After the recent release by Flamingcrystal of her anthology of two books, Dejavu & Destiny, her flagship, the reviews are coming in as more readers are reading the book. Here is the reviewe on goodreads.com.

Die oorspronklike artikel kan hier gelees word.

The original article can be read here.

Ek het hierdie boek aangeskaf omdat ek ‘n ander skrywer se resensie gelees het. Fantasieverhale was nog nooit my idee van boeke nie. Flamingcrystal het my verras. Ek het binne die eerste tien persent van die boek geweet ek sal nie in staat wees om op te hou voor ek dit nie klaar gelees het nie.
Die tema van ewige liefde wat eeue span is werklik aan my opgedis en ek het dit ook baie geniet. Die onwerklike element van fantasie het sy as ‘n werklikheid aan my voorgelê. Ek het ook ‘n traan in beide boeke moes afvee. Die skrywer moet ‘n liefdevolle mens wees om die liefde so mooi te projekteer. Sy het my nie een keer verveel nie. Die hoofstukke wat nie nommers het nie maar name is nogal mooi en dinge maak meer sin as wat nommers sou doen. Hierdie boek sal ek beslis op my hardeskyf bewaar om weer ‘n keer te lees. Ek sal graag so liefgehê wil word soos wat Angela en Beryl liefgehad is.
Ek het hierdie boeke be-oordeel met ‘n punt van 4.6 en derhalwe moet ek dit ‘n volle vyf gee. Ek beveel hierdie boek aan vir lesers wat soos ek nie juis aan fantasie glo nie. Nou het sy my oorreed om nog fantasie boeke aan te durf. Die komende winter gaan ek my lang eensame aande met fantasie deurbring. Ek wag geduldig vir haar volgende boek.

[fbcommentssync]

Geesteportaal deur Flamingcrystal.

tmp_18102-5ea0fc95b35e0331019a9826c34a8992c0543390-thumb66738918

Geestesportaal deur Flamingcrystal, is ‘n boek wat ek met die grootste vrymoedigheid sal aanbeveel aan enige leser, jonk of oud. Dit is nie my gewoonlike tipe keuse nie, maar ek het dit uit nuuskierigheid gelees na ek ‘n ander boek deur dieselfde skrywer gelees het.

Wat ‘n wonderlike leesgenot. Die skrywer het my van die begin af geboei en vasgevang in die verhaal. Sy mag maar ‘n boek skryf. Haar borrelende persoonlikheid spoel oor in die boek en sy is vlymskerp met haar humor. Haar uitbeelding van die verskillende karakters is baie goed.

Hierdie is ‘n fantasie verhaal met elemente wat tog nie moontlik is nie. Sy maak alles werklik voor die leser se oë en jy geniet wat gebeur. Jy geniet die straf wat Vicky op ‘n mooi en regverdige manier uitdeel. Die leser kry lekker oor die bordjies wat verhang word. Die situasies in haar boek speel in die werklike lewe ook voor ons oë af.

Die boek verveel die leser nie een keer nie. Die taalgebruik is uitstekend en die humor is puik. Ek kan hierdie boek met die grootste vrymoedigheid aanbeveel. Dit is tone krul lekkerkry plesier uit haar pennevrug. Ek wag in spanning vir haar volgende boek.


[fbcommentssync]

Fatal Fantasy deur Flamingcrystal.

tmp_18102-dae6915eca9635dcbb4309e42af7abf71e622b27-thumb533348936

Fatal Fantasy, uit die pennevrug van Flamingcrystal, is ‘n liefdesverhaal wat afspeel in die hedendaagse tyd van elektroniese aanlyn tegnologie. Die skryfster het nie net vir my as ‘n manlike leser binne die eerste hoofstuk geboei nie, maar ek was ongeduldig om die boek klaar te lees. Elke onderbreking het my omgekrap. Ek was vasgenael tot op die laaste blad en toe het ek tevrede met my dag voortgegaan.
Die boek is goed afgewerk ten opsigte van taalgebruik, leestekens en die skryfster praat die taal wat deur ons volksmond gebruik word. Haar beskrywing van aanlyntegnologie is puik. Die karakters is elkeen beskryf met sy eie voorkoms en karakter. Die boek het ‘n pragtige liefdesstorie en ‘n goeie ketting van gebeurtenisse. Die leser word nie een keer verveel nie. Jy moet net elke bladsy verder lees om te sien wat volgende gebeur. Die spanning bou op om te sien of Sonja en Marius bymekaar gaan uitkom. Die skryfster se humorsin is puik en getuig van goeie smaak.
Hierdie boek is die boek met ‘n gelukkige einde. Beide mans en vrouens kan hierdie boek geniet, en glo my, julle sal. Die twee hoofkarakters se keuse oor hul ideale lewensmaat, maak hierdie boek ‘n storie waarin jy jouself kan uitleef. Die einde het dalk ‘n traan tot gevolg.
Ek het die elektroniese weergawe op my selfoon gelees en die vertoon op die klein skerm was sonder enige probleme. Hierdie boek is goed, so dat dit op my selfoon bly, sodat ek dit weer kan lees in daardie situasies waar jy iewers moet wag of vertraag is. Ek sal dit beslis weer lees.
Ek is nie in staat om enige negatiewe punte uit te wys nie, want daar is nie. Flamingcrystal mag maar ‘n boek skryf.


[fbcommentssync]

Flamingcrystal Softly Whisper

FSWHierdie is my eerste artikel oor ‘n ander skrywer, vir wie ek as skrywer groot respek gekry het.

Flamingcrystal Softly Whisper.

Besoek gerus haar blad by (kliek hier).

Sy het op haar blad ‘n paar boeke wat gerus afgelaai en gelees kan word vir ure en ure se leesgenot. Ek is nou met haar laaste boek besig en ek kan dit moeilik neersit.

Die skrywer maak seker dat sy jou as leser bind, al is die boek dalk nie jou onderwerp van keuse nie. Sy slaag daarin met elke boek. Die leser word van die begin af geboei en vermaak tot die einde toe. Haar boeke het almal gelukkige eindes. Sy versorg haar boeke tegnies goed. Dit is waarde aangesien jy die boeke gratis kan aflaai. Sy is bekend in skrywerskringe.

Ek gaan haar boeke se resensies wat ek gedoen het volgende op my blad publiseer.

[fbcommentssync]