René is uit

Geagte vriende, Dit is met vreugde dat ek my 28ste boek aan u bekend stel, René, ‘n ou Kaapse verhaal, propvol aksie, spanning en romanse. Dit beslaan net meer as 61 000 woorde / 291 bladsye.

ISBN: 9780463033753

Dit is tans beskikbaar by Smashwords:

https://www.smashwords.com/books/view/903272

 

Ek wag nog vir Amazon om dit aktief te maak.

 

Vier jaar is baie lank, lewenslank, om ‘n galeislaaf te wees. René se beste vriend, Gerhardt Pawels het hom oorrompel en as galeislaaf verkoop, op die  aand wat René vir Wilmien Van Der Toorn wou vra om met hom te trou.

Na hy suksesvol ontsnap en oom André, die graaf Moreau, ook help onsnap, neem oom André hom aan as sy seun en word hy die jong graaf Alphonso Moreau. Dit is die ideale vermomming om terug te keer en sy eiendom terug te kry en Pawels en sy trawante te laat boet.

Wilmien kan nie van René vergeet nie en besef later dat die lewe voortgaan. Sy raak na drie en ‘n halwe jaar later aan Gerhardt verloof, want sy wil graag kinders hê. Gerhardt weet sy het steeds vir René lief. Hulle gaan op ‘n ooreenkoms trou.

Wilmien is onmiddellik aangetrokke tot die jong graaf Moreau. Hy herrinner haar so baie aan René en krap haar gemoed om. Hy soen net soos René en hy dans net soos hy. Wanneer hy haar verlei, weet sy, sy wil eerder met hom trou.

Wanneer die jong graaf en Gerhardt bots, kom baie na die swaardgeveg kyk. Daar maak Wilmien ‘n skokkende ontdekking en weet René is nou vir haar verlore. Hoekom is die lewe so wreed?

Sal hulle ooit bymekaar kan kom? Hoe gaan sy hom oortuig sy het hom lief, nie vir Gerhardt nie?

Hierdie boek beskryf nie grafiese seks nie.

  • Share on Tumblr
  •  

Mar-Leo Publiseerders se laatsomer pryse

Die span van Mar-Leo Publiseerders het weereens die nuutste pryse beding, met alle kostes ingesluit.

Lees artikel Hier.

  • Share on Tumblr
  •